Təhsil nazirin müavini İdris İsayev qiyabi oxuyan tələbələrə təhsil kreditinin verilməməsinin səbəbini 26 noyabr tarixində Report-a açıqlayıb. O bildirib ki, bu həmin tələbələrin işləmək və gəlir əldə etmək imkanlarının olması ilə bağlıdır.
“Həm də ölkədə qiyabi təhsil alanların sayı elə də çox deyil”, - deyə nazirliyin nümayəndəsi əlavə edib. Statistikaya əsasən, Azərbaycanda 266 minə yaxın tələbə təhsil alır, onlardan yalnız 13-15 mini qiyabi oxuyur.
Qeyd edək ki, dünəndən etibarən ölkədə təhsil tələbə krediti sistemi açıq elan edilib.
