Quba rayonunda sel körpünü uçurub. Bu barədə İnsanoid Report-a istinadən bu gün, 29 iyul tarixində xəbər verir.
Quba-Xınalıq yolunun 42-ci kilometrində yerləşən Əlikçayın üzərindəki körpü uçub. İyulun 28-dən başlayaraq yağan güclü yağışlardan əmələ gələn sel körpünü uçurub.
Nəticədə Xınalıq, Bostankeş, Haput, Cek, Əlik, Qəley-Xudat kəndlərinin rayon mərkəzi ilə əlaqəsi kəsilib.
Qeyd olunur ki, hava şəraiti ilə əlaqədar körpünün bərpa edilməsi işlərinə hələ başlanılmayıb.
Həmin kəndlərin sakinlərinə körpü bərpa olunana qədər Xınalıq-Susay-Alpan yolundan istifadə etmək tövsiyə olunub.
