ASAN Xidmət tərəfindən “Rəqəmsal icra hakimiyyəti” portalının təqdimat mərasimi keçirilib. Bu haqda 23 noyabr tarixində Report məlumat verib.
Portalın yaradılmasının əsas məqsədi yerli icra hakimiyyətləri tərəfindən göstərilən bir sıra xidmətlərin elektronlaşdırılması, vətəndaşların vaxtına qənaət edilməsi və müraciət prosesinin asanlaşdırılmasıdır. Bununla yanaşı yerli icra hakimiyyətləri tərəfindən göstərilən xidmətlərin fiziki formatda “ASAN” standartlarına uyğun olaraq vətəndaşlara təqdim edilməsini nəzərdə tutulub.
İlkin mərhələdə layihə 3 bölgə - Gəncə şəhəri, Masallı və Quba rayonlarında həyata keçirilir.
Pilot layihənin gələcəkdə digər icra hakimiyyətlərində də tətbiq edilməsi planlaşdırılır.
