Şəki rayonunun Orta Zəyzid, Baş Güngüt, Baş Dəhnə kəndlərində və Turan qəsəbəsində fermerlərlə aqrar sığorta mövzusunda görüşlər keçirilib. Bu barədə 10 avqust tarixində Kənd Təsərrüfatı Nazirliyi məlumat yayıb.
Həmçinin bildirilib ki, aqrar sığorta vasitəsilə 14 bitki, südlük inək və camışlar, eləcə də balıqçılıq təsərrüfatları sığortalanır.
Fermerlərə dəstək məqsədi ilə sığorta haqqının 50%-ni dövlət, 50%-ni isə fermer ödəyir.
Sahibkarlar təsərrüfatlarını sığortalamaq üçün Aqrar Sığorta Fondunun Cağrı Mərkəzinə (1651) zəng edə, rayonda fəaliyyət göstərən sığorta şirkətlərinə və ya yerli Dövlət Aqrar İnkişaf Mərkəzlərinə müraciət edə bilərlər.
