Aprelin 11-i saat 22:50 radələrində İrandan Azərbaycan istiqamətində dövlət sərhədini pozan iki şəxsə xəbərdarlıq atəşi açılıb. Bu barədə Dövlət Sərhəd Xidməti aprelin 13-də məlumat verib.
Hadisə DSX-nın Sərhəd Qoşunlarının “Göytəpə” sərhəd dəstəsinin Yardımlı rayonu, Abdinli kəndi yaxınlığındakı sərhəd zastavasının xidməti sahəsində baş verib.
Sərhəd pozucularının atıb qaçdığı 2 bağlamadan 16 kiloqram 820 qram narkotik vasitəyə bənzər maddələr və 3 189 ədəd metadon-40 dərman preparatı aşkarlanıb.
Faktla bağlı araşdırma davam edir.
