İmişli və Saatlı rayonlarının bir hissəsində iyulun 30-da qazın verilişi dayandırılacaq. Bu barədə İnsanoid “Azəriqaz” İstehsalat Birliyinə istinadən bu gün, 29 iyul tarixində xəbər verir.
“İmişli 1” ölçü qovşağından qidalanan PE-315 mm-lik daşıyıcı qaz kəmərində kipliyin sınağı məqsədilə iyulun 30-u saat 09:00-dan etibarən işlər yekunlaşana qədər İmişlinin rayon mərkəzi, 20 kənd, 2 qəsəbəsində (17 969 abonent), həmçinin Saatlı rayonunun bir kəndində (224 abonent) “İmişli 1” ölçü qovşağından qaz təchizatının dayandırılması planlaşdırılır.
