Qaxda yol-nəqliyyat hadisəsi baş verib. Bu barədə 1 iyul tarixində Oxu.az məlumat verib.
Belə ki, iyunun 29-da Şəkidən Balakənə qohumlarının yanına xəstə ziyarətinə gedən ailənin olduğu avtomobil dəhşətli qəzaya uğrayıb.
Mərhum Həbib Qurbanovun dostu Nicat Musayevin sözlərinə görə, mərhum həyat yoldaşı ilə sinif yoldaşı olub:
"Həbib Türkiyəyə oxumağa getmişdi, ardınca hərbi xidmətə yollandı. Yoldaşı - mərhum Aygün Qurbanova uzun illər onu gözləyib. Qismət elə gətirdi ki, birlikdə böyüdülər və birlikdə vəfat etdilər".
Qeyd edək ki, rayon ərazisində "Ford" və VAZ-2115 markalı avtomobillərin toqquşması nəticəsində Şəki rayon Cəfərabad kənd sakinləri: VAZ-nin 35 yaşlı sürücüsü Həbib Qurbanov, onun 1962-ci il təvəllüdlü anası Gülnarə Qurbanova və 1989-cu il təvəllüdlü həyat yoldaşı Aygün Qurbanova həlak olublar.
Qəza zamanı onların iki azyaşlı övladı xəsarət alıb.
Faktla bağlı cinayət işi başlanılıb.
[gallery columns="1" link="file" size="full" ids="184414"]
