Zorakılıqda ittiham olunan şəxsi xəstəxanalıq etdilər
Şəmkirdə idman müəllimi işləyən Orxan Məmmədov döyülüb.
Gencexeber.az xəbər verir ki, O.Məmmədovun 14 yaşlı şagirdinə qarşı zorakı hərəkətlər etdiyi zaman digər şəxslər tərəfindən aşkarlandığı iddia edilir. Bu səbəbdən o, bir neçə nəfər tərəfindən ağır şəkildə döyülüb. Hazırda xəstəxanada müalicə alır.
Redaksiyamızın sorğusuna cavab olaraq Daxili İşlər Nazirliyinin (DİN) Mətbuat Xidmətinin Gəncə regional qrupunun baş inspektoru Eşqin Qasımov bildirib ki, faktla bağlı Şəmkir Rayon Polis Şöbəsində cinayət işi başlanılıb, müvafiq ekspertiza təyin olunub.
"O.Məmmədova müxtəlif bədən xəsarətləri yetirməkdə şübhəli bilinən 4 nəfər saxlanılaraq istintaqa təhvil verilib. Ekspertizanın və araşdırmanın nəticəsindən asılı olaraq məsələyə hüquqi qiymət veriləcək", - E.Qasımov bildirib.
