Dekabrın 23-də paytaxtın Nizami rayonunda Bakı sakininə hücüm edilib və 10 min dollar pulu götürülüb. Bu haqda dekabrın 30-da APA məlumat verib.
Zərərçəkən əvvəl metronun “Neftçilər” stansiyasının yaxınlığında yerləşən banklardan birində 10 min manat dəyərində ABŞ dolları xırdalayıb. O, sanitar qovşağına gedən zaman isə naməlum şəxs tərəfindən baş nahiyəsindən dəmir parçası ilə vurulub.
Polis tərəfindən şübhəli bilinən paytaxt sakini saxlanılıb və o etiraf edib ki, pulu o ələ keçirdib.
Cinayət baş verən vaxt həmin şəxsin görüntüləri ərazidə olan müşahidə kameraları vasitəsilə də görüntülənib.
Faktla bağlı araşdırma davam edir.
