Quba Rayon Mərkəzi Xəstəxanasında 34 yaşlı qadının sanitar qovşaqda yeni doğulmuş körpəsini öldürməyə cəhd etməsi faktı ilə bağlı Quba rayon prokurorluğunda araşdırma davam edir.
Bizim.Media-nın məlumatına görə, xəstəxananın tibb personalından olan bir əməkdaş iddia edib ki, ana öz övladını öldürmək istəyib.
Həmin əməkdaşın sözlərinə görə o, sanitar qovşağa daxil olanda ananı xortumla körpəsini öldürmək istədiyini görüb. Ana isə öz ifadəsində həmin şlanqla uşağı çimizdirmək istədiyini deyir.
Tərəflərin ifadələrinə və digər təfərrüatlara hüquqi qiymət araşdırmaların sonunda veriləcək. Yeni doğulmuş uşağın vəziyyəti hazırda stabildir.
