Azərbaycan-Ermənistan dövlət sərhədinin delimitasiyası və demarkasiyası ilə bağlı ikitərəfli komissiya yaradılacaq. Bu haqda noyabrın 26-da Soçidə Azərbaycan, Rusiya və Ermənistan liderlərinin imzaladığı bəyanatda bildirilib.
Görüşdə Prezident İlham Əliyev Azərbaycanın döyüş əməliyyatları bitəndən sonra 100-dən çox erməni hərbçisinin qarşı tərəfə təhvil verdiyini vurğulayıb.
“Biz çoxillik qarşıdurma səhifəsini çevirmək, normal qarşılıqlı fəaliyyət mərhələsinə başlamaq əzmindəyik və düşünürəm ki, məhz bu formatda öz məqsədlərimizə çatacağıq”, - deyə dövlət başçısı qeyd edib.
Rusiya liderinin sözlərinə əsasən, Qarabağ regionunda nəqliyyat kommunikasiyaları açılacaq.
Görüşün sonu olaraq Vladimir Putin Azərbaycan Prezidenti İlham Əliyevə və Ermənistan Baş naziri Nikol Paşinyana zeytun budaqlarını təsvir edən suveniri hədiyyə edib. Zeytun budağı qədim yəhudi, xristian və islam ənənələrində sülh, qələbə, sevinc, bolluq və saflığı simvollaşdırır.
