Azərbaycan Respublikasının Minatəmizləmə Agentliyi yaranan ildən, yəni 1998-ci ildən 2020-ci ilin noyabrına qədər 810 minə yaxın mina və partlamamış sursat aşkarlanıb.
Bunu “Minalar Əleyhinə Azərbaycan Kampaniyası” İctimai Birliyinin sədri Hafiz Səfixanov deyib. Bu barədə 26 sentyabr tarixində Report xəbər verib.
"2020-ci ilin noyabrından bu il sentyabrın 1-nə qədər isə 95 318 hektar ərazi minalardan və partlamamış hərbi sursatlardan təmizlənib, 93 410 mina və partlamamış hərbi sursat tapılaraq zərərsizləşdirilib", - o qeyd edib.
O bildirib ki, son 32 ildə 3 000-dən çox insan Ermənistanın mina terrorunun qurbanı olub.
H.Səfixanovun sözlərinə görə, 1991-ci ildən indiyədək üç mindən çox insan mina və partlamamış hərbi sursatların qurbanı olub: "2020-ci il noyabrın 10-dan indiyədək isə 63 nəfər mina terroru nəticəsində həlak olub və onlardan 48-i mülki şəxsdir. Bu statistikalar da kifayət qədər ciddidir".
