Sumqayıt-Yalama dəmir yolunun yenidən qurulan hissəsində ilk dəfə olaraq qatarların hərəkətinə başlanılıb. Bu barədə dekabrın 17-də “Azərbaycan Dəmir Yolları” QSC məlumat yayıb.
Yenidənqurma işlərinin 22%-i artıq tamamlanıb. Bu günədək 65 km-lik hissəsində yeni rels-şpal şəbəkəsi quraşdırılıb. Həmçinin 37 körpü, 81 dairəvi suötürücü boru və 7 ədəd heyvan keçidi inşa edilib.
Yol boyu 13 yerüstü piyada keçidinin və 32 eyni səviyyəli dəmiryol keçidinin tikintisi planlaşdırılır.
“Sumqayıt-Yalama dəmir yolu xəttinin yenidən qurulması yükdaşıma və sərnişindaşıma fəaliyyətlərində vaxta qənaət, ətraf mühitə təsirinin azaldılması, təhlükəsizliyin artırılması kimi faydalar gətirəcək”, - deyə qurumdan əlavə edilib.
Yenidənqurma işlərinə 2020-ci ilin fevralında start verilmişdir.
[URIS id=19634]
