Şuşada Birinci Beynəlxalq Kulinariya Festivalı keçirilir.
Tədbirin məqsədi xarici qonaqlara Şuşanın qədimliyini, gözəlliyini və Azərbaycan xalqının qonaqpərvərliyini nümayiş etdirməkdir.
Həmçinin festivalın ziyarətçiləri Almaniya, Avstriya, Çin, Fransa, Gürcüstan, İndoneziya, İran, İsrail, İtaliya, Malayziya, Türkiyə və Yaponiyadan olan kulinarların təamları ilə tanış ola, onların ustad dərslərində iştirak edə biləcəklər.
Festival günlərində 11 milli, 11 xarici və Milli Kulinariya Mərkəzinin pavilyonları qurulacaq. Dequstasiya üçün şərablar, pendirlər və digər məhsullar təklif ediləcək. Eyni zamanda, tamaşalar, konsert və sərgilər təşkil olunacaq. Ümumilikdə burada 100-dən çox incəsənət ustasının iştirakı da gözlənilir.
Birinci Beynəlxalq Kulinariya Festivalı mayın 8-dək davam edəcək.
