Türkmənistanın paytaxtı Aşqabadda noyabrın 28-də Azərbaycan Prezidenti İlham Əliyevin Türkiyənin dövlət başçısı Rəcəb Tayyib Ərdoğan ilə görüşü baş tutub. Bu haqda Prezidentin Mətbuat xidməti məlumat yayıb.
İqtisadi Əməkdaşlıq Təşkilatının XV Zirvə Toplantısı çərçivəsində keçirilən görüşdə postmüharibə dövründə Cənubi Qafqazda mövcud vəziyyətdən danışılıb. Həmçinin qonşu ölkələr arasında müxtəlif sahələrdə əlaqələrin daha da inkişaf etdirilməsi haqda fikir mübadiləsi aparılıb.
Eyni zamanda prezidentlər enerji və nəqliyyat məsələlərini müzakirə ediblər.
Qeyd edək ki, İqtisadi Əməkdaşlıq Təşkilatının XIV Zirvə Toplantısı cari ilin martın 4-də onlayn şəkildə keçirilmişdir.
