Bakıda taksi sürücüsünü hədələyən şəxs saxlanılıb. Bu barədə aprelin 14-də Daxili İşlər Nazirliyindən məlumat verilib.
Belə ki, aprelin 13-də “Daewoo” markalı avtomobildə olan sərnişin Tural Əliyev taksi sürücüsünü bıçaqla hədələyib və ondan 40 manat tələb edib.
Saxlanılan paytaxt sakininin əvvəllər məhkum olunduğu müəyyən edilib. Faktla bağlı araşdırma aparılır.
