TikTok-da nalayiq ifadələr yazan şəxsi öldürməkdə təqsirləndirilən Əli Musayevə hökm oxunub. O, 9 il azadlıqdan məhrum edilib. Bu barədə mayın 5-də APA məlumat yayıb.
Hadisə ötən ilin noyabrında paytaxtın Nizami rayonunda baş verib. 31 yaşlı Natiq Ramazanov TikTok-da yazdığı nalayiq ifadələrlə əlaqədar Bakı sakini, 40 yaşlı Əli Musayevlə görüşüb. Aralarında baş vermiş mübahisə zamanı sonuncu N.Ramazanova bıçaqla xəsarət yetirib və nəticədə o, xəstəxanaya aparılarkən yolda ölüb.
Faktla bağlı “qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda” maddəsilə cinayət işi açılıb.
Məlumata görə, hadisə zamanı ölən şəxs ehtiyatda olan leytenant olub və Vətən müharibəsində iştirak edib.
