İrina Zaretska finalda Misir idmançısı Abdelaziz Feryal ilə qarşılaşaraq məğlub olub.
İdmançımız 2:0 hesabı ilə finalda uduzarag gümüş medal eldə edib.
Iryna Zaretska of #AZE claims a #Silver medal in the women’s kumite +61kg category.#StrongerTogether | #Tokyo2020 | @WorldKarate_wkf | #Karate pic.twitter.com/JcRRwRNQML
— Olympics (@Olympics) August 7, 2021
***
15:59
Azərbaycan karateçisi İrina Zaretska yarımfinalda çinli rəqibi Gonq Li ilə üz-üzə gəlib.
İdmançımız 7:2 hesabı ilə qalib gələrək finala vəsiqə qazanıb.
İrina Zaretska finalda Misir idmançısı Abdelaziz Feryal ilə qarşılaşacaq.
***
12:40
İrina Zaretska növbəti görüşündə Türkiyə karateçisinə qalib gələrək yarımfinala yüksəlib.
İdmançımız dördüncü görüşünündə 4:0 hesabı ilə Türkiyə təmsilçisinə qalib gələrək bürünc medalını təmin edib.
Yarımfinalda İrina Zaretska Çin təmsilçisi Gong Li ilə qarşılaşacaq.
***
11:13
İrina Zaretska növbəti görüşündə Qazaxıstan təmsilçisi Sofya Berultsevaya 5:4 hesabı ilə məğlub olub.
İdmançımız dördüncü görüşünü Türkiyə karateçisi Meltem Hocaoglu Akyol ilə keçirəcək.
***
11:03
İrina Zaretska növbəti görüşündə italyan idmançı Semeraro Silviaya 3:2 hesabı ilə qalib gəlib.
İdmançımız üçüncü görüşünü Qazaxıstan təmsilçisi Berultseva Sofyayla keçirəcək.
***
10:17
Avqustun 7-də Azərbaycan karateçisi İrina Zaretska Tokio-2020 Yay Olimpiya Oyunlarında mübarizəyə qalibiyyətlə başlayıb. O, yapon idmançısı Uekusa Ayumiya 4:1 hesabı ilə qalib gəlib.
İrina Zaretska növbəti görüşünü italyan idmançı Semeraro Silviayayla keçirəcək.
Hazırda Azərbaycan idmançıları Tokio Olimpiadasında 1 gümüş və 3 bürünc medal qazanıblar. Ölkəmizə ilk gümüş medalı karateçi Rafael Ağayev qazandırıblar.
