Türkiyənin “Haber Global” xəbər kanalı Azərbaycana tətbiq edilməsi planlaşdırılan sanksiyalara qarşı vətəndaşlarımızın hazırladıqları petisiya barədə reportaj çəkib. Bu barədə oktyabrın 25-də İnsanoid xəbər verir.
Bildirilib ki, noyabrın 15-də Fransa Senatı tərəfindən Aİ-nin bütün ölkələrini Azərbaycana qarşı sanksiyalar tətbiq etməyə çağıran qətnamə layihəsinə baxılacaq. Sənəddə Ermənistanın Fransa tərəfindən müasir silahla təmin olunması da yer alıb.
Reportajda 10 vətəndaşımızın Mesopinions.com saytında Fransa Senatına və xalqına ünvanlanan petisiya yerləşdirdikləri haqda məlumat verilib. Aparıcı Buket Güler 14 gün ərzində toplanan imzaların sayının 33 mini ötdüyünü vurğulayıb.
Sujetdə müraciətin məzmunu açıqlanıb. Qeyd edilib ki, Gəncənin bombalanmasına və uşaqların öldürülməsinə məhəl qoymayan Fransa hazırda Azərbaycanı "kütləvi qətl" törətməkdə ittiham edir.
Müraciət müəllifləri qətnamə layihəsinin 20-ci bəndində ermənilərin bölgəyə qayıtmaq hüququnun təmin edilməsi tələbinə də diqqət yetiriblər: “Fransa Senatı 28 il əvvəl Qarabağın Ermənistan tərəfindən işğalı zamanı didərgin düşmüş azərbaycanlıların geri qayıtmaq hüququ ilə bağlı heç bir tələb irəli sürməyib”.
Ətraflı süjetdə:
