Azərbaycanda ukraynalı uşaqlara dəstək üçün xeyriyyə müsabiqəsi keçirilir. Bu barədə aprelin 20-də Ukraynanın Azərbaycandakı səfirliyi məlumat yayıb.
Layihənin məqsədi son vəziyyətlə bağlı təhlükə altında olan ukraynalı uşaqlara mənəvi dəstəklə yanaşı, uşaqlar üçün xeyriyyə yardımı, eləcə də Ukraynaya humanitar yardım cəlb etməkdən ibarətdir.
Müsabiqədə iştirak etmək üçün uşaqlar 30 iyun 2022-ci il tarixinədək əl işləri hazırlamalı və kidsart.az saytında yerləşdirməlidirlər. Qaliblər səsvermə yolu ilə müəyyən olunacaq və onlara təşkilatçılar tərəfindən hədiyyələr və mükafatlar təqdim olunacaq.
Müsabiqə şərtlərinə dair ətraflı məlumatı yuxarıdakı link üzrə və ya +994507770277 telefon nömrəsi vasitəsilə almaq mümkündür.
Bundan əlavə, Ukraynanın “Uşaqların Səsi” Fondunun saytından istifadə edərək ukraynalı uşaqlara xeyriyyə yardımı göstərmək olar.
