Vətən müharibəsi şəhidləri ilə bərabər, Vətən müharibəsi iştirakçılarının da banklara və digər kredit təşkilatlarına olan borclarının silinməsindən əldə olunan gəlir gəlir vergisindən azad edilir. Bu, Milli Məclisin noyabrın 23-də keçirilən iclasında müzakirəyə çıxarılan Vergi Məcəlləsinə təklif edilən dəyişiklikdə əksini tapıb.
Bu maddə ilə müəyyən edilmiş silinən borcların əsas məbləği üzrə yaradılmış ehtiyatlar gəlirdən çıxılan xərclərə aid ediləcək.
Layihənin birinci oxunuşuna əsasən, güzəştlər Vətən müharibəsində şəhid olmuş və ya yaralanmış şəxslərə aid edilirdi. İkinci oxunuşda layihədə “Müharibədə yaralanan” anlayışı “Müharibə iştirakçıları” termini ilə əvəz olunub.
Qeyd edək ki, “YAŞAT” Fondu daxil olan vəsaitdən indiyədək borc öhdəliklərinin qarşılanması üçün 5,5 milyon manat sərf edib.
