Ukraynanın Xarkov vilayətində raketin evə düşməsi nəticəsində həlak olan azərbaycanlı ailənin sağ qalan övladları Rusiyaya təxliyə olunub. Bu haqda martın 4-də mərhumun qardaşı Report-a məlumat verib.
Onun sözlərinə görə, hazırda uşaqlar Rusiyanın Oryol şəhərindədirlər. “Onların Azərbaycana gətirilməsi üçün sabahdan işlərə başlayacam. Vətənə dönəndən sonra mənim himayəmdə qalacaqlar”, - deyə mərhumun qardaşı söyləyib.
Daha öncə, martın 5-də Xarkovun Çirkun kəndində yerləşən azərbaycanlı ailənin yaşadığı evə raket düşüb. Ev sahibi, onun həyat yoldaşı və qayınanası həlak olub, ailənin üç övladı isə sağ qalıb.
Ailə üzvlərinin nəşi hadisə yerində qaldığına görə, onları dəfn etmək mümkün olmayıb.
