Xidmət müddətində məhkumluğu aşkar edilmiş ehtiyatda olan zabit, gizir, “miçman” və müddətdən artıq həqiqi hərbi xidmət hərbi qulluqçuları dövlət vəsaiti hesabına daimi mənzillə təmin olunacaq. Bu haqda aprelin 20-də Müdafiə Nazirliyi xəbər verib.
Bunun üçün Müdafiə Nazirliyinin nəzdində fəaliyyət göstərən Komissiyaya aşağıda sadalanan sənədlər təqdim olunmalıdır:
- Dövlət vəsaiti hesabına daimi mənzillə təmin olunma barədə ərizə;
- Hərbi qulluqçu barədə çıxarılmış məhkəmə hökmü (əsli və ya notarial təsdiqi);
- Azərbaycan Respublikası Cinayət Məcəlləsinin 83-cü maddəsinə əsasən məhkumluğun ödənilməsi və ya üzərindən götürülməsi barədə arayış (əsli və ya notarial təsdiqi).
Azərbaycan Ordusunda 20 təqvim ili və daha çox xidmət etmiş hərbçilərin sənədləri araşdırıldıqdan sonra mənzil növbəsinə alınmaq üçün Maliyyə Nazirliyinə göndəriləcək.
Sənədləri Müdafiə Nazirliyinin Mənzil-İstismar İdarəsinə (Süleyman Dadaşov küçəsi 2) təhvil vermək lazımdır.
