Yevlaxın həbsdə olan sabiq icra başçısı yenidən xəstəxanaya yerləşdirilib. Qoca Səmədov növbəti dəfə ürəyindən əməliyyat olunub. Bu haqda dekabrın 30-da APA məlumat yayıb.
Sözügedən şəxsin vəziyyəti pisləşdiyi üçün ilk olaraq Şəkidəki Penitensiar Xidmətin müalicə müəssisəsinə köçürülüb. Daha sonra o, Bakıya gətirilərək Mərkəzi Klinikaya yerləşdirilib və əməliyyat olunub.
Sabiq icra başçısının vəkili Elnur Vəliyev faktı təsdiq edib.
Qeyd edək ki, Qoca Səmədov bir müddət əvvəl də ürəyindən əməliyyat olunmuşdur. Yevlaxın keçmiş başçısı səhhətində yaranan problemə görə başqa yerə getməmək barədə iltizam tədbiri seçilərək azadlığa buraxılmışdır. Oktyabr ayında isə o, məhkəmənin hökmü ilə 7 il 3 ay müddətinə azadlıqdan məhrum edilmişdir.
