Abşeron rayonunun Masazır qəsəbəsində özünü youtuber kimi təqdim edən qadın 4 avtomobilin qəzaya uğramasına səbəb olub. Bu barədə APA noyabrın 23-də məlumat verib.
Saxlanılan şəxs tanışının “KİA” markalı avtomobilini binanın həyətindən qaçıraraq “Opel”ə çırpılıb. Həmçinin o, avtomobili saxlamayaraq əks yola çıxıb və “Chevrolet” markalı maşınla toqquşub. Daha sonra qadın sükana nəzarəti itirərək “Daewoo” markalı maşına çırpılıb.
Bununla yanaşı, sürücü avtomobili hadisə yerində qoyub qaçıb. Lakin polis əməkdaşları onu saxlayıb.
Qadının hadisə zamanı sərxoş olması müəyyən edilib.
