Zaqatalada partlayıcı, tezalışan maddələr satan şəxs saxlanılıb. Məlumatı APA dekabrın 27-də paylaşıb.
Məlumata görə, “Bazar” adlanan ərazidə məktəb ləvazimatları mağazasında pirotexniki vasitələrin gizli şəkildə satılması barədə polisə məlumat daxil olub.
Obyektə keçirilən baxış zamanı oradan külli miqdarda pirotexniki vasitələr aşkarlanaraq götürülüb. Mağazanı işlədən barəsində protokol tərtib edilərək rayon məhkəməsinə göndərilib.
Bundan başqa, Bakıda da pirotexniki vasitələr satan paytaxt sakinləri saxlanılıb. Onlar barəsində protokol tərtib edilərək məhkəməyə göndərilib.
