Qrin-kartların alınması prosedurunda kütləvi dəyişikliklər edilib.
İnsanoid.com xəbər verir ki, ABŞ Vətəndaşlıq və İmmiqrasiya Xidməti (USCIS) elan edib ki, qrin-kartlar ölkə daxilində artıq yalnız "müstəsna hallarda" — "iqtisadi fayda gətirən və ya milli maraqlara cavab verən" şəxslərə veriləcək. Hər bir hal üzrə qərar fərdi şəkildə (əl ilə) qəbul ediləcək.
Yeni qaydalar hər il ABŞ-da ola-ola qrin-kart üçün müraciət edən yarım milyondan çox insana təsir göstərəcək. Onların əksəriyyəti indi ölkəni tərk etmək və xaricdəki konsulluğa müraciət etmək məcburiyyətində qalacaq — bu isə aylar və ya illər çəkə bilən bir prosesdir.
İşçi, tələbə və turist vizası ilə gələnlər, ABŞ vətəndaşlarının həyat yoldaşları və qohumları, həmçinin K-1 vizası ilə gələn nişanlılar zərbə altında qalırlar. ABŞ Prezidenti Donald Trampın giriş məhdudiyyəti tətbiq etdiyi ölkələrdən olan şəxslər xüsusilə həssas vəziyyətdədirlər: onlar ölkədən getdikdən sonra bir daha geri qayıda bilməmək riski ilə üzləşirlər.
