5 oktyabr 2020-ci ildə Ermənistan silahlı qüvvələri Azərbaycanın ikinci böyük şəhəri olan Gəncəyə ikinci dəfə raket hücumu həyata keçirib.
İnsanoid.com xatırladır ki, həmin gün atılan 3 raket nəticəsində 3 nəfər mülki şəxs müxtəlif bədən xəsarətləri alaraq xəstəxanaya yerləşdirilib. Raketlərdən biri şəhərin mərkəzi hissəsindəki "Grand Qafqaz" Ticarət Kompleksinə düşərək kompleksə ciddi ziyan vurub. Hücumlar nəticəsində həmçinin "İmamzadə" dini kompleksində də dağıntılar baş verib.
Gəncəyə edilən hücumlar nəticəsində ümumilikdə 26 nəfər, o cümlədən 6 uşaq və yeniyetmə həyatını itirib, 130-dan çox insan, onlardan 29-u uşaq olmaqla, müxtəlif bədən xəsarətləri alıb. Bu dəhşətli hadisələr zamanı 3 ailənin üzvü olan 4 uşaq hər iki valideynini itirib.
