İndoneziyanın şəriət qanunları qüvvədə olan yeganə vilayəti Açexdə (Banda-Açex şəhəri) evli olmayan 22 yaşlı qız və 25 yaşlı oğlan avtomobildə öpüşdükləri üçün cəzalandırılıblar.
Cəzaya səbəb onların TikTok-dakı yayımı olub. Şikayətdən sonra araşdırma aparılıb və cütlük bu ilin aprelində həbs edilib.
Şəriət Cinayət Qanununu pozmaqda təqsirli bilinən gənclərin hər birinə əvvəlcə 25 şallaq cəzası verilsə də, istintaq dövründə həbsdə qaldıqları üçün zərbələrin sayısı 21-ə endirilib. 100-dən çox insanın gözü qarşısında icra olunan cəza zamanı qız ağrıdan huşunu itirib və ona həkimlər yardım edib.
Mənbə: Associated Press
