Sosial şəbəkələrdə SSRİ və Rusiyanın məşhur ekstrasensi Anatoli Kaşpirovskinin özündən 33 yaş kiçik özbəkistanlı həyat yoldaşı tərəfindən hipnoz edildiyi iddia olunur.
İnsanoid.com xarici KİV-ə istinadən xəbər verir ki, qadın onu Moskvadakı mənzilindən məhrum edib və seanslardan gələn bütün qazancını mənimsəyir.
2014-cü ildə köməkçisi qismində Kaşpirovskini ailəsindən ayıran qadın, rəsmi nikahdan əvvəl Moskvadakı mənzili öz adına keçirib. Cütlük yalnız 2023-cü ildə evləndiyi üçün Kaşpirovski boşanma halında mənzilə hüquqi iddia qaldıra bilməz.
Bundan əlavə, qadın açdığı fərdi sahibkarlıq hesabı vasitəsilə ərinin qazandığı bütün pulları özündə toplayır. Son illərdə onun hesabına 7 milyon rubldan çox vəsait daxil olub.
