Bu ilin yanvar-fevral ayları ərzində hüquq mühafizə orqanları tərəfindən qanunsuz dövriyyədən 306 kiloqram 692,833 qram narkotik vasitələr və 3153 ədəd psixotrop maddə çıxarılıb. Bu haqda martın 16-da APA məlumat yayıb.
Narkotiklərin qaçaqmalçılar vasitəsilə ölkə ərazisinə gətirilməsi ilə bağlı 30 fakt aşkar edilib.
Qanunsuz dövriyyədən götürülmüş narkotik vasitələrin və psixotrop maddələrin ümumilikdə dəyəri 37 milyon 827 min AZN kimi qiymətləndirilir.
Narkotiklərdən istifadənin təyin edilməsi məqsədilə tibbi müayinədən keçirilmiş 330 nəfərdən 268-nin istifadəçi olması müəyyən olunub və bununla bağlı zəruri tədbirlərin görülməsi təmin edilib.
