Açıq məkanda reklam yayımlayan sahibkarlardan dövlət rüsumu və yayım haqqı məbləğlərinin ödənişini nağdsız qaydada həyata keçirmələri xahiş olunur. Bu barədə sentyabrın 9-da Dövlət Reklam Agentliyinin (ADRA) rəsmi səhifəsində məlumat verilib.
Ödənişləri banklara getməklə və ya mobil bankçılıq üzərindən, ödəniş kartları vasitəsilə hesab.az, million.az, asanpay.az, e-pul.az və digər onlayn resurslardan istifadə etməklə həyata keçirmək mümkündür. Həmçinin milliÖn, eManat, easypay və sair ödəmə terminallarından istifadə etmək olar.
Əlavə məlumat almaq üçün iş adamları ADRA-nın 1412 çağrı mərkəzi, (077) 6771412 “WhatsApp” nömrəsi və sosial şəbəkə hesablarına müraciət edə bilərlər.
