Ağstafa rayonunda baş verən qətlin bəzi təfərrüatları məlum olub.
Aynur Abdullayeva Ağstafa Rayon Polis Şöbəsinə gedərək öz günahını etiraf edib. O, həyat yoldaşını aralarında baş vermiş ailədaxili münaqişədən sonra qətlə yetirib. Həyat yoldaşı yatan zaman Aynur Abdullayeva balta ilə boynundan vuraraq onu öldürdüyünü etiraf edib.
***
13:40
Ağstafa rayonunun Dağ Kəsəmən kəndində qadın ərini balta ilə öldürüb. Bu barədə 4 yanvar tarixində Report məlumat verib.
Məlumata əsasən, hadisəni törətməkdə şübhəli bilinən 37 yaşlı Aynur Abdullayeva həyat yoldaşı, 38 yaşlı Elvin Abdullayevi balta ilə qətlə yetirib.
Faktla bağlı araşdırmalara başlanılıb.
