Bu ilin iyun və iyul ayları ərzində suda boğulma hadisəsi ilə bağlı ümumilikdə 30 nəfər müraciət edib. Bu barədə İnsanoid Baku TV-yə istinadən bu gün, 26 iyul tarixində xəbər verir.
Suda boğulanlardan 27-si kişi, 3-ü qadın olub. Onlardan 11 nəfər xəstəxanaya təxliyə edilib, 6-sına yerində yardım göstərilib. 13 nəfərin isə ölüm faktı qeydə alınıb.
Fövqəladə Hallar Nazirliyi təhlükəli çimərliklərin siyahısını qeyd edib.
“Şüvəlan qəsəbəsində “Mil-Qaya” və “Şimal Qres”, Nardaran qəsəbəsində “12-ci dalan”, “Yaxt klub”, “Estekada” deyilən ərazi, Nardaranla Bilgəh qəsəbəsi arasında yerləşən, el arasında “Rus çimərliyi” kimi tanınan və 10-a yaxın nəzarətsiz ərazi, eləcə də Goradil və Novxanı qəsəbələri arasındakı “Sarı Qaya”, Qaradağ rayonundakı “Mayak” deyilən ərazi xüsusi təhlükəli ərazilər kimi qiymətləndirilib”, – deyə qurumdan bildirilib.
“Şimal Qres” deyilən ərazidə keçirilən sorğu nəticəsində məlum olub ki, burada çimməyin qadağan olunduğu ilə bağlı sakinlərə xəbərdarlıq edilmir.
