Ağdaşda polisə nalayiq ifadələr işlədən şəxs saxlanılıb. Bu barədə mayın 9-da Report-a DİN məlumat verib.
Mayın 8-də saat 16 radələrində rayonun Maşat kəndi ərazisində “VAZ-21154” markalı avtomobili yol polisi saxlayıb. Sürücü İlkin Cəfərovun narkotikin təsiri altında olduğu müəyyən olunub.
O, polisin qanuni tələbinə tabe olmayaraq nalayiq ifadələr işlədib.
Sürücü barəsində protokol tərtib olunub və Ağdaş Rayon Polis Şöbəsinə təhvil verilib.
