537-ci ildən fəaliyyət göstərən və 1985-ci ildə “Dünya Mədəni İrs” siyahısına daxil edilən Ayasofya Məscidinin rəqəmsal əkizi yaradılıb. Bu barədə İnsanoid “TRT Haber”ə istinadən bu gün, 19 iyun tarixində xəbər verir.
Dünyanın ən mühüm tarixi-memarlıq əsərlərindən biri olan Ayasofya ziyarətçi sıxlığı və iqlim təsirləri səbəbindən zamanla köhnəlir.
1572-ci ildə Memar Sinan tərəfindən bərpa edilmiş bina 1847-ci ildə - Sultan Əbdülməcidin dövründə isveçrəli Fossati qardaşları tərəfindən əsaslı təmir edilmişdir.
Bu günlərdə Ayasofya tarixində üçüncü ən əhatəli iş aparılır.
Mədəniyyət və Turizm Nazirliyinin Vəqflər Ümumi Müdirliyi tərəfindən 2022-ci ildə başlanan “Ayasofya İnteqrasiya Layihəsi” tamamlanıb.
Layihə çərçivəsində Ayasofyanın, demək olar ki, hər kvadratsantimetri skan edilib. Binanın rəqəmsal əkizi yaradılıb və gələcək nəsillər üçün arxivləşdirilib.
Əldə edilən məlumat kütləsi ilə Ayasofyanın gələcəyi sığortalanıb. İstanbulda baş verə biləcək zəlzələdə Ayasofya tamamilə dağılsa belə, eyni şəkildə yenidən tikilə bilər.
[video width="1920" height="1080" mp4="https://insanoid.com/storage/thumbs/large/2024/06/ce8a66e93c635570455ae5ff52baba41_1.mp4"][/video]
