Xəbər verdiyimiz kimi, müğənni Aysun İsmayılova və vəkil həyat yoldaşı Ramil Vəliyev ayrılır.
İnsanoid.com xəbər verir ki, sözügedən məsələ ilə bağlı Aysun da sosial şəbəkədə məlumat verib.
"Ramil Vəliyev mənim övladımın atasıdır. Övladımın gələcəyi var, ona görə ailəmlə bağlı heç nə danışmaq istəmirəm. Susma haqqımı seçirəm! Əziz media nümayəndələri, sevənlərim, dostlarım, hər birinizdən xahiş edirəm, mənə ailəmlə bağlı sual ünvanlamayın. Heç kim həyatından, seçimindən, qərarından sığortalanmayıb. Allah nə yazıbsa, onu yaşayırıq" sözlərini qeyd edib.
Qeyd edək ki, Aysun və Ramil cütlüyünün bir övladı var.
[gallery link="file" columns="1" size="full" ids="215216"]
***
13:44
Müğənni Aysun İsmayılova tanınmış vəkil olan həyat yoldaşı ilə qarşılıqlı boşanmağa qərar verib.
Lent.az-ın əldə etdiyi məlumata görə, tərəflər arasında bununla bağlı razılıq əldə olunub.
Müğənninin həyat yoldaşı 30 saylı Vəkil Bürosunun rəhbəri Ramil Vəliyev faktı təsdiqlədi:
"Bəli, xəbər doğrudur. Həyatda bəzən elə şeylər olur ki, çətin də olsa, qərar vermək məcburiyyətində qalırsan. Boşanma səbəbi mənim kobud və soyuq xarakterimdir. Artıq hər ikimiz nikahın pozulması üçün iddia qaldırmaq üçün mediasiya təşkilatına müraciət etmişik.
Qeyd edək ki, cütlük 2 il öncə ailə qurub və onların Sevgi adlı qız övladı var.
