Şəmkirdə bibisinin evindən oğurluq edən şəxsə hökm oxunub. Bu barədə dekabrın 10-da Report məlumat verib.
Hökmə əsasən, 23 yaşlı şəxs 3 il 6 ay müddətinə azadlıqdan məhrum edilib və ona şərti cəza verilib.
Şəmkir sakini 2021-ci ilin yanvar ayında saxlanılıb.
İttihama əsasən, o, Şiştəpə kəndində bibisinin evindən 8 500 manat dəyərində qızıl-zinət əşyalarını və 1 800 manat nağd pul oğurlayıb. Daha sonra həmin şəxs oğurladığı əşyaları lombarda girov qoyub və əldə etdiyi pulları xərcləyib.
Şübhəli bilinən şəxs məsuliyyətdən qaçmaq məqsədilə öz evində yanğın törətməyə çalışıb.
O, öz ifadəsində törətdiyi əməlləri etiraf edib.
