Bilgəh qəsəbəsindəki “Daçnik” adlı çimərliyin girişinə dəmir barmaqlıqlar quraşdırılsa da, hazırda orada daş hörgü işləri görülür. Bu barədə martın 17-də Qafqazinfo məlumat yayıb.
Paytaxt sakinlərinin sözlərinə görə, həmin yerə daş tökülüb və hasar qaldırılacağı deyilir. İşlərin isə Sabunçu rayon İcra Hakimiyyəti tərəfindən görüldüyü bildirilir.
Məsələ ilə bağlı Sabunçu Rayon İcra Hakimiyyətindən bildirilib ki, həmin yerdən bağ sakinlərinin istifadə etməsi, gediş-gəlişlərinin təmin olunması üçün qapı quraşdırılır: “Qapıdan sırf həmin ərazidə yerləşən bağ sakinləri istifadə edə biləcək. Orada daha əvvəlki kimi maşınların dayanmasına icazə verilməyəcək”.
Qeyd edək ki, sözügedən çimərliyə giriş ötən ilin yayından bağlanıb.
