2021-ci ilin sonunadək ölkədə 6 modul məktəb təhvil veriləcək. Bu barədə 10 dekabr tarixində Təhsil Nazirliyinin Təsərrüfat Hesablı Əsaslı Tikinti və Təchizat İdarəsinin rəis müavini Fərhan Əliyevə istinadən Trend məlumat verib.
Nazirliyin rəsmisinin sözlərinə görə, cari ildə tikilməli olan 31 modul məktəbin 25-i artıq təhvil verilib. “Növbəti ildə də modul tipli məktəblər tikiləcək. Neçə məktəbin tikiləcəyi ilə bağlı əlavə məlumat veriləcək. Qeyd edim ki, 2016-2020 illərdə 353 modul məktəb quraşdırılıb", - deyə Fərhan Əliyev qeyd edib.
