ABŞ-də qızlara qarşı cinsi zorakılıq, pedofiliya və fahişəlik şəbəkəsi yaratmaqda günahlandırılan amerikalı milyarder Ceffri Epşteyn tərəfindən qurulan dəstədə yeni adlar üzə çıxıb. Bu haqda bu gün, 5 yanvar tarixində İnsanoid Olkə.az-a istinadən xəbər verir.
Belə ki, ictimaiyyətə açıqlanan məhkəmə sənədlərində ABŞ-nin keçmiş prezidenti Bill Klinton və İngiltərə kralı III Çarlzın qardaşı Şahzadə Endryunun adları da var.
Klintonun adı məhkəmə sənədlərinin 50-dən çox səhifəsində "Doe 36" kimi keçir. Epşteynin pilotlarından biri tərəfindən saxlanılan uçuş qeydləri Klintonun Paris, Banqkok və Bruney səfərləri də daxil olmaqla, 2001-ci ildə vəzifəsini tərk etdikdən sonrakı illərdə Epşteynin təyyarəsində səyahət etdiyini göstərir.
İş materiallarında ABŞ-nin keçmiş prezidenti Donald Trampla yanaşı, Naomi Kempbell, Keyt Blanşett, Leonardo Di Kaprio, Brüs Uillis, Kemeron Diaz, Kevin Speysi və Maykl Ceksonun da adları hallanır.
BBC-nin verdiyi məlumata görə, iş materiallarında bəzi adlar təqsirləndirilən, bəziləri potensial şahid qismində çəkilir.
Siyahıda "Google"un həmtəsisçisi Sergey Brin də var. Məhkəmə iddiasına görə, 2004-2007-ci illərdə Epşteyn müxtəlif fondlar yaratmaq üçün Brin ilə əməkdaşlıq edib.
Sənədlərə görə, İsrailin keçmiş baş naziri Ehud Barak 2013-cü ildən 2017-ci ilə qədər Epşteynin Nyu-Yorkdakı evinə tez-tez baş çəkib.
Xatırladaq ki, Ceffri Epşteyn 2019-cu ildə Nyu-Yorkun Manhetten Metropoliten Mərkəzi Həbsxanasında saxlandığı kamerada ölü tapılıb.
