DİN dekabrın 22-də pirotexniki məmulatların satışı və istifadəsi barəsində əhaliyə xəbərdarlıq edib.
Pirotexniki məmulatların mülki dövriyyəsinə FHN tərəfindən verilən xüsusi icazə əsasında yol verilir. Əgər onların satışı aşkar olunarsa həmin vasitələr satışdan çıxarılır, satışı ilə məşğul olan şəxslər barəsində protokol tərtib olunaraq məhkəmələrə göndərilir.
Bu mallar müsadirə edilməklə fiziki şəxslər üçün 350 manatdan 500 manata qədər, vəzifəli şəxslər üçün 1 600 manatdan 2 500 manata qədər, hüquqi şəxslər 4 000 manatdan 5 000 manatadək məbləğdə inzibati cərimə nəzərdə tutulur.
Bu vasitələr insan sağlamlığına mənfi təsir göstərməklə yanaşı, tez alışan maddə olduqlarına görə ətrafa da ciddi ziyan vura bilərlər.
