“Dərnəgül” taxta bazarında ürək tutmasından vəfat edən Şəfəq Novruzun dayısı imiş. Bu barədə aktyor Ramiz Novruzun qızı, stilist Şəfəq Novruz öz İnstagram səhifəsində məlumat yayıb. Bu barədə 23 noyabr tarixində İnsanoid xəbər verir.
Bu gün səhər saatlarında Binəqədi rayonunun Ziya Bünyadov prospektində inşaat materialları bazarında yanğın baş verib. Yanğın zamanı 1962-ci il təvəllüdlü sahibkar Razi Qasımov vəfat edib.
Stilist Şəfəq Novruzun verdiyi məlumata görə, dünyasını dəyişən Razi Qasımov onun dayısı olub:
“Tikinti malları olan yerdəki yanğında cəmi bir nəfər rəhmətə gedib. O da mənim dayımdır. Doğma dayım. Anamın qardaşıdır. Bilmirəm, xəbəri anama necə deyim”.
Xatırladaq ki, hadisə yerinə FHN Dövlət Yanğından Mühafizə Xidmətinin ümumilikdə 20 ədəddən artıq xüsusi texnikası və 85 nəfərdən artıq canlı qüvvəsi cəlb olunub. Yanğın söndürülüb.
Qeyd edək ki, uzun müddət mədə xərçəngi xəstəliyindən əziyyət çəkən stilistin atası Ramiz Novruz bu ilin fevral ayında dünyasını dəyişib.
[playlist type="video" tracklist="false" ids="139004"]
