Türkiyədə fəaliyyət göstərən camaşırxana işçisi Mehmet Yiğit, müştərisinin pencəyinin cibindən tapdığı 20 min TL-ni (950 manat) sahibinə təhvil verib.
Bu barədə İnsanoid.com Türkiyə KİV-ə istinadən xəbər verir.
"Pencəyi paltaryuyana qoydum və yuma prosesində maşına pul səpələndiyini gördüm. Dərhal maşını dayandırdım və pulu çıxardım. Cəmi 20 min TL var idi. Pulunu qurutduqdan sonra müştərimə zəng edərək vəziyyəti bildirdim. Müştərim iclasda olduğu üçün dərhal cavab verə bilmədi, lakin sonra mənə zəng edərək təşəkkür etdi və pulu təhvil almaq üçün gələcəyini söylədi", - deyə Yiğit söyləyib.
O, həmçinin bildirib ki, bəzən qır-qızıl, bilərzik və ya sırğa tapırlar və həmişə sahiblərinə təhvil verirlər.
"Haram pulu qəbul etmərəm. Bizim olmayan pul bizim deyil. Zəhmətlə qazanılan pul daha dəyərlidir", - deyə Yiğit bildirib.
