Energetika naziri Pərviz Şahbazov Abu-Dabidə keçiriləcək “Ümumdünya Kommunal Xidmətlər Konqresi”ndə iştirak edir. Bu haqda nazir Twitter hesabında 9 may tarixində paylaşım edib.
Səfər çərçivəsində enerji və su təchizatının idarə edilməsi, bu sahələrdə innovativ məhsullar və yeni texnologiyaları nümayiş etdirən müxtəlif sərgilərdə iştirak nəzərdə tutulub.
Mayın 11-nə kimi davam edəcək tədbirdə 50-dən çox ölkədən 14 energetika nazirinin, 70-dən çox sənaye rəhbərinin və 1000-dən çox nümayəndənin iştirakı gözlənilir.
"Ümumdünya Kommunal Xidmətlər Konqresi”ndə (@WUCongress) dünyada enerji təhlükəsizliyinin gücləndirilməsinə və #YaşılEnerji|nin inkişafına əsaslanan transformasiya proseslərindən danışdıq. pic.twitter.com/6TzYHEYdM7
— Parviz Shahbazov (@ParvizShahbazov) May 9, 2022
