Fövqəladə Hallar Nazirliyi Novruz bayramında təhlükəsizlik qaydalarına riayət edilməsi ilə bağlı əhaliyə müraciət edib. Bu haqda məlumat 15 mart tarixində qurumun saytında yerləşdirilib.
Belə ki, Novruz koronavirus pandemiyası dövrünə təsadüf etdiyindən tədbirlərdə tətbiq olunan xüsusi karantin rejiminin tələblərinə riayət olunmalıdır. Bayram mərasimləri ilə əlaqədar aşağıdakı yanğın təhlükəsizliyi qaydalarına əməl olunmalıdır:
- bayram tonqalının ətrafına yığışan azyaşlılar mütləq böyüklərin nəzarətində olmalı;
- tonqal ev, avtomobil, elektrik naqili, ağac və digər yanar materiallardan kənarda yandırılmalı;
- tonqal tam sönənədək nəzarətdə saxlanılmalı;
- tonqal üzərindən atılarkən ehtiyatlı olmalı;
- yandırılan şamlar nəzarətsiz qalmamalıdır.
Vətəndaşlar təhlükə zamanı 112-yə zəng edə bilərlər.
