“Qeyri-qanuni yollarla azad edilən ərazilərə keçən və keçmək istəyərkən saxlanılan vətəndaşlarımız az deyil. Bir daha xahiş edirik ki, bu cür səfərlərdən çəkinsinlər, qanunsuz yollarla ərazilərə keçməsinlər". Bunu dekabrın 27-də keçirilən seminarda Fövqəladə Hallar Nazirliyinin rəsmisi Gülçin Mehdiyeva bildirib.
Qurumun digər əməkdaşı general-mayor Məhərrəm Həsənovun sözlərinə görə, işğaldan azad edilən ərazilərdə minaların təmizlənməsinə 10 it qoşulub. O vurğulayıb ki, itlər bu prosesə dekabr ayından qoşulub və onlar mina və partlayıcı maddələri sürətli şəkildə aşkarlayırlar.
Seminarda, həmçinin sürpriz minalar haqqında danışılıb: “Uşaqları daha çox qorumaq lazımdır. Çünki bu minalar oyuncaq, fərqli aşyalara bənzəyir və azyaşlı ona toxunduqda faciə baş verə bilər”.
Qeyd edək ki, 2020-ci il noyabrın 10-dan indiyədək işğaldan azad edilən ərazilərdə minaya düşmələri nəticəsində 7 hərbi qulluqçu, 29 mülki şəxs həlak olub.
