"Qırmızı Körpü" gömrük postunda mobil telefonların və aksesuarlarının qanunsuz olaraq ölkə ərazisinə gətirilməsi cəhdinin qarşısı alınıb.
Gürcüstandan ölkəmizə gələn "Mercedes Benz" markalı nəqliyyat vasitəsi saxlanılıb. Vətəndaş avtomobildə gömrük nəzarətindən gizlədilən və bəyan edilməyən hər hansı əşyanın olmadığını bildirib.
Yoxlama zamanı avtomobilin gizli saxlanc yerlərində 97 ədəd “iPhone 13” markalı mobil telefon qutusu, 42 ədəd “İphone 13” markalı usb, 10 ədəd “Model M-2” markalı mobil telefon və ona aid olan 10 ədəd qidalandırıcı başlıq, 3 ədəd “Meizu” markalı mobil telefon, 28 ədəd “Baofeng” markalı rabitə vasitəsi və ona aid olan 52 ədəd qidalandırıcı başlıq, 45 ədəd qulaqlıq, 14 ədəd batereya, 7 ədəd mobil telefon mikro-sxeması, 6 ədəd telefon ekranı və 2 ədəd elektron saat aşkar edilib.
