Bu il Məkkə şəhərində havanın temperaturunun, demək olar ki, 52 dərəcəyə çatması səbəbi ilə həcc mövsümü zamanı azı 550 zəvvar dünyasını dəyişib. Bu barədə İnsanoid APA-ya istinadən bu gün, 19 iyun tarixində xəbər verir.
Agentliyin məlumatına görə, cəsədlər Məkkədəki ən böyük morqlardan birinə aparılıb və ölənlərin təkcə 323 nəfəri Misir vətəndaşıdır.
İyunun 16-da İordaniyadan olan 14 zəvvarın öldüyü, 17 zəvvarın isə itkin düşdüyü açıqlanmışdı. Ölümlər çox vaxt istidən və ya sıxlıqdan qaynaqlanır. Agentliyin məlumatına görə, Məkkədə 1,8 milyondan çox zəvvar var.
Ötən gün İranın Qızıl Aypara Cəmiyyətinin rəhbəri Pir Hüseyn Kolivənd də ən azı 11 iranlı zəvvarın öldüyünü açıqlamışdı.
