Helikopter qəzasında sağ qalan Dövlət Sərhəd Xidmətinin (DSX) hərbçilərin Vətəndaş və İnkişaf Partiyasının sədri Əli Əliyevə qarşı məhkəmələri başlayıb. Proses bugün, yanvarın 7-də Yasamal rayon Məhkəməsində keçirilib.
Trend-in yaydığı məlumata görə, növbəti proseslərdən biri yanvarın 11-i, digəri isə yanvarın 13-də baş tutacaq.
Noyabrın 30-da DSX-nın Mi-17 tipli hərbi helikopteri Xızı rayonunda qəzaya uğrayıb. Nəticədə 14 nəfər həlak olub, 2 nəfər isə yaralanıb. İddiaçılar şikayətlərində bildiriblər ki, partiya sədri bu qəzadan sağ çıxmağın mümkünsüz olduğunu deyib.
Buna görə qəzada xəsarət alan polkovnik-leytenant Emil Cəfərov və kapitan Ramin Ədilov onu məhkəməyə veriblər. Əli Əliyev “böhtan” maddəsi ilə ittiham olunur.
